تصاريح التخييم و الصيد في مصر

 

 تصاريح التخييم و الصيد في مصر

التصريحين دول من أهم وأرخص التصاريح إللي ممكن تعملها ...

بالنسبة للناس إللي بتحب التخييم أو الصيد على الشواطيء المصرية

إللي بيحبوا هدوء وجمال الطبيعة، بعيدًا عن الضوضاء وصخب الحياة

حيث تستطيع أن تتقابل مع ذاتك هناك ..

طيب ممكن تعمل التصريحين دول إزاي .. ؟

أولاً: لازم تعمل الأتنين مع بعض (بيكملوا بعض) ..

١- تصريح هيئة الثروة السمكية :-

-الأوراق المطلوبة: ٢ صورة شخصية و صورة البطاقة الشخصية

- الرسوم : ٣٢.٥ ج.م

-مدة التصريح : ١ سنة والتصريح بتستلمه في ١٠ دقائق

-عنوان مكتب الثروة السمكية: ميدان الجيزة عمارة مصر للتأمين

٢- تصريح قوات حرس الحدود :-

-الأوراق المطلوبة: صورة تصريح هيئة الثروة السمكية

-الرسوم : ٣٥ ج.م

-مدة التصريح : ٣ شهور والتصريح بتستلمه في ٥ دقائق

- عنوان مبنى حرس الحدود: م.نصر شارع خضر التوني - محطة مترو الأستاد بالخط الثالث أول لما بتخرج من المحطة أول ناصية شمال

طيب إيه إللي ممكن تستفاده من التصاريح دي .. ؟

١- التصاريح دي بتسمح لك التخييم أو الصيد على الشواطيء المصرية ( من السويس حتى شلاتين، ومن إسكندرية حتى مطروح ومن رأس سدر حتى شرم الشيخ ما عدا المناطق الممنوعة )

- خلي بالك، في تعليمات مهمة لازم تتبعها :-

١- عدم التخييم بجانب المناطق العسكرية

٢- لو انت عايز تخييم على شاطيء أو مكان معين، هاتشوف أقرب نقطة حرس حدود وتبلغهم علشان يكون عندهم علم والتخييم والإقامة لازم يكون بمسافة لا تقل عن ١٠٠ متر من الشاطيء

٣- ولو انت هتصطاد، يتم الصيد من أول ضوء حتى أخر ضوء ويحظر الصيد ليلاً

أخيرًا :-

اهم حاجة أمانك وسلامتك، فلازم تكون عندك خلفية كويسة بطرق التخييم، ولو مش عارف أقرا كتب وأتفرج على فيديوهات بتتكلم عن التخييم، شكرًا ؛