هتسافر إيطاليا ب٦٠٠٠ جنيه بس
ازاى تسافر إيطاليا 🇮🇹 بي 6000 جنيه 😱
بس لمده 10 ايام 😍
شاملين الطيران ✈️والاقامه 🏚والاكل 🥘🥰
ولو حبب توفر ممكن تكلفك4000 جنيه بس 😍🥰
يعنى ارخص من سفريه الساحل 😂
ايه ياعم الكلام الى بتقوله ده معقول 😂 هو فى الاسعار ديه دلوقتى 😂
انت بتشتغلنا صح 😂
لا والله زى ما بقولك كده 😂
وكله بالمستندات ياريس 😂
خليك معايا واحده واحده بص ياذيدى 👀
الرحله هتبدا من يوم
24/4/2021 وتنتهى 4/5 /2021 يعنى هتعقد اكتر من 10 ايام هيص نفسك على قد ماتقدر 😂
الطيران بيطلع من مطار برج العرب من الاسكندريه وبتوصل ميلانو على خطوط ويز اير ✈️ وانت راجع نفس الكلام ✈️
وتكلفته 1120 جنيه مصرى ذهاب 🛫 وعوده 🛬
والاقامه 🏚لمده 10 ابام هناك هتحجزه من على موقع airbnb اليوم ب 12$ وبالضرايب وبسلطاتهم وبابا غنوجهم هيتكلف 128 دولار فى 10 ايام يعنى 2000 جنيه مصرى تقريبا 😍
كده الحسبه بقت 3120 جنيه مصرى
نيجى بقى للاكل كل واحد بقى على حسب مزاج كرش ساعته 😂
بس الاكل فى ايطاليا 🇮🇹 رخيص مش غالى خصوصا لما تبعد عن المناطق السياحيه
الوجبات بتبدى من 4 يورو وانت طالع 😍
ولو انت اكيل اوى وطفس فى نفسك كده 😂
هتبقى متوسط اكلك بى 15 يورو يوميا يعنى فى 10 ايام 150 يورو يعنى 2800 جنيه مصرى وتبقى مبحبها 😂
كده الحسبه دلوقتى بقت 5920 ونقول معاهم سندوتش 🥙 دونر يبقى كده قفلنا 6000 😂
استنا ياعم انت كده غفلتنا اومال لو حبين نوفر ونطلع بى 4000 الف زى ما انت قولت شاملين الطيران والاقامه والاكل نعمل ايه 😂🤔
بص ياذيدى 👀
انت ممكن بدل ماتحجز الاقامه عن طريق airbnb وتوفر 2000 جنيه 💪
اومال يعنى هعقد فى الشارع 😂
لا خالص انت هتحجز وهتقعد 10 ايام عن طريق الكاوتش سيرفنج وهيكون اقامتك ببلاش كلها 😍🥰
لو مواخذه يعنى ايه الكاوتش سيرفنج ده الى يقعدنى ببلاش ياعمهم 😂
ده موقع استضافه بتبعت عليه انك عايز تقعد الفتره الى محتاجها وفى ناس كتير من اهل البلد بترحب بيك وبتسضيفك ببلاش وبتوافق على استضافتك
ده غير انه ممتع جدا خصوصا انك بتتعرف على اهلها وتسكن معاهم وفى وسطيهم وبتاكل اكلهم ده غير انهم بيكونوا دليلك خلال رحلتك وبتتبدلوا خبرات السفر مع بعض 😊
ده غير انك مبتدفعش اى فلوس فى الاقامه 😊
وانت فى ايطاليا 🇮🇹 لازم تزور مدنتين عشان مينفعش مترحوهمش هما فعلا من اجمل مدن ايطاليا والعالم
هما فنيسيا وفلورنسا😍❤️
ده غير ممكن تزور سويسرا والنمسا لو حبب تزور اكتر من بلد او سلوفينيا وكرواتيا عشان هما قريبن من ايطاليا على الحدود 🇮🇹
الخلاصه 👌
تقدر تسافر وتنبسط فى ايطاليا 🇮🇹 واروبا باقل من 6000 جنيه مصرى شاملين الطيران✈️ والاقامه🏚 والاكل 🥘 يعنى ارخص من سفريه الساحل 😊
البوست الجاى هكتب فيه عن
ازاى تاخد التاشيره بسهوله 😊
واجراءت التاشيره بتاعت الشنجن والورق المطلوب كله 😊
اهم المزارات واجمل الاماكن الى لازم تزورها وانتم هناك 🤓
واسعار الانتقالات 🚍🚖 بين المدن والدول الى حولين ايطاليا 🇮🇹
الاكل فى ايطاليا 🥘🇮🇹
❤️🇮🇹
الى حبب يستفسر عن اى شي عن ايطاليا🇮🇹 او اسبانيا🇪🇸 اوفرنسا 🇫🇷او المانيا 🇩🇪
يبعتلى على الانيستجرام وحساب الانيستجرام مكتوب على صفحتى بتاعت الفيس بوك وهساعده 😊
دمتم مسافرين 🧳
تعليقات
إرسال تعليق