Housemina

 برنامج الرحله🗺️ #الخميس 1/10/2020 التحرك الساعه 9 بالليل من السواح، التحرك من التجمع الساعه 10 بالليل و كل واحد معاه فطاره ويعمل حسابي معاه😂 #الجمعه 2/10/2020 *الوصول لدهب🏝️ الساعه 9 الصبح التحرك لمحميه البلوهول🗻 هنعمل snorkeling🏊‍♀️ في أماكن بتأجر معداد بس احنا نفضل ناخد ادواتنا الشخصيه معانا، المحميه طبيعتها صخريه و مليانه شعب مرجانيه🐠 فيكون معانا sea sheos🐚  و بعدين هناخد لانش🛥️ في وسط البحر 🌊عشان نروح محميه أبو جالوم🏖️ و بعدين هناخد عربيه نص نقل🚚 عشان نروح البلولاجونا🐙 (دي طريقه المواصلات المستخدمه هناك عشان الطريق جبلي*هنتمرمط🤭) هناك الشاطئ رملي⛱️ زي المالديف كده اكننا رحنا هناك😅 *الساعه 5 مساءا هنروح الممشى السياحي في دهب عشان ناكل 😋 هنرشح ليكم كذا مكان للأكل🍩🦀🦐🐟. و هنتصور كتير و نعمل shopping  *الساعه 7 باليل هنطلع جبل الطويلات و هنحضر حفله بدوي👳‍♀️ و نتصور برضه.  *الساعه 10باليل هنتحرك من دهب و نروح سانت كاترين.  #السبت 3/10/2020 *الساعه 1 الفجر 🌜هنطلع جبل موسى🌌 و طبعا يكون معانا كوتشي مريح أو hiking shoes و يكون لبسنا تقيل ❄️على ق...

تجهيزات طلوع جبل موسى As A Hiker صعود الجبال لديه قواعد خاصة من ناحية الجسمانية أولا و المعدات ثانيا .. و هنا نتكلم ليس على تسلق الجبال mountain climb هنا بتكلم عن ال السير على الجبال Hiking و هنا يأتى تعريف Hiking :السير فى الوديان او السير على الجبال Hiking هو السير لمسافات طويلة فى الوديان او الجبال عبر مدقات طبيعية او تسلق بسيط عبر ممارات طبيعية على الجبال و يتعبر هذا نوع من الأنواع الرياضة. قواعد و التجهيز لصعود جبل موسى as Hiker  ”التجهيزات الشخصية“ رفع اللياقة البدنية : لمن لم يمارس الرياضة لمدة 3-5 شهور لابد يتمرن على رفع اللياقة البدنية قبل موعد الرحلة ب شهرين وذلك عبر عمل تمارين تقويةعضلة القلب و تنظيم النفس ، و تمارين تقوية و ليونة لعضلات الرجل و خاصة السمانة و الفخذ و منطقة اربطة الركبة ، و تمارين تقوية عضلات الظهر و خاصة منطقة الاسفل الظهر ، و تمارين ليونة لعضلات الكتاف و الرقبة. -كل هذا لماذا و الكثير يصعد بدون كل هذا التحضير ” لكن يحدث عند صعود الجبل خصوصا ارتفاعه   ٢٬٢٨٥ م فوق سطح البحر و خصوصا فى فترة الشتاء و سقوط الثلوج و خصوصا الحرارة قد تصل اكثر م...

 19 نصيحة من سيناوي لو ناوي تطلع سانت كاترين 1 ـ مبدئيا لازم تبقى عارف وعامل حساب الطريق على حسب أنت جاى منين، مثلا لو من القاهرة الطريق هياخد معاك 6 أو 7 ساعات تقريبًا، على حسب الكماين. 2 ـ اعمل حسابك هتقعد كام يوم يعني كل اللي في كاترين من أماكن أثرية وصعود الجبل ياخد يومين بالكتير.. لازم تبقى عامل حسابك في أكل مثلا ومياه، على حسب طول الطريق، ولأن كل حاجة في كاترين غالية وأصلا البلد كلها عبارة عن نص شارع من شوارع القاهرة.. في أماكن تشتري منها حتى وأنت طالع الجبل بس طبعًا غالي دوس على نفسك وشيل شوية أو على حسب حالتك المادية. 3 ـ لازم تعمل حسابك في خط موبينيل عشان مفيش شبكة تانيه هناك  موجودة لمدة ساعة في طريق الدخول لكاترين و كل الشبكات التانيه ضعيفة داخل المدينة و موبينيل هي الوحيده اللي هتبقى موجودة في الجبل. 4 ـ لو رايح كدة من دماغك فاسأل هناك عن دليل يطلع معاك الجبل وده سهل مش هتدور كتير يعني، لأن زي ما وضحت البلد صغيرة جدًا.. اسأل أي حد الدليل بيطلع بجروب 50 شخصًا بـ 200 جنيه، طبعًا لو أكتر من كدة حاجة بسيطة هيبقى جروب واحد، إنما لو العدد كبير هيبقى جروبين.. الجروب ك...

 عين رأس سدر الكبريتية منطقة رائعة وسط الصحراء القاحلة مدينة رأس سدر محافظة جنوب سيناء في منطقه تسمى ( وادي عسل ) تبعد عن المدينة حوالي 9 كم ، لا يعرفها سوى سكان رأس سدر وما حولها ويستهويهم الذهاب بالسيارات إلى قلب الصحراء للاستحمام فيها مع افتقار المنطقة للخدمات وثرائها بالطبيعة البكر التي منحها الله إياها . تبلغ درجة حرارة مياهها الكبريتية 200 درجة مئوية تندفع من باطن الأرض في حالة فوران وبخار الماء المحمل برائحة الكبريت لا تستطيع تحملها عن قرب أي من مكان خروجها من باطن الأرض . المياه تسير بعد خروجها في قناة حفرتها لنفسها طولها 100 متر حتى تستقر في منخفض عمقه حوالي 2 متر ومساحته لا تقل عن 150 متر2 ويمثل حمام سباحة طبيعي درجة حرارته تتدرج من الساخن جداً إلى الساخن إلى الدافئ ، وتتراوح كمية المياه التي تخرج من العين بـ 20 متر مكعب من المياه يومياً. الاستحمام في العين صيفاً متعه حيث تقل تيارات الهواء التي لا يحجزها عن هذا المكان شتاءً أي حواجز وذلك لعدم وجود أي مصدات هواء حول العين لذلك تم عمل سور شجري كثيف حول المساحة المستغلة بأشجار مختلفة الكثافة والأطوال لتقليل التيارات الهوا...

  حق إنتفاع .. هي دي الدنيا متلخصة في كلمتين إنها بكل اللي فيها حق انتفاع ، مفيش حد يملك فيها أي حاجة .. معاك ورق ملكية لكل حاجة عندك ، صح ؟ شقتك ، أرضك ، عربيتك ، حسابك في البنك ، و غيره و غيره .. لكن تعالى نفكر : نفس الشقة اللي انت فيها من كام سنة كانت باسم والدك، و بعد كام سنة (ربنا يطول في عمرك ) ح تبقي باسم حد من ولادك ، صح .. يبقي انت كنت عايش فيها حق انتفاع و بس ، لغاية ما تخلص رسالتك و بعدين تسيبها للي بعدك زي ما سابهالك اللي قبلك .. و الدنيا كلها بتلف كده على الكل .. الغريب إننا بنتخانق و نكره و يمكن نقتل بعض  على حاجات ربنا مسلفها لنا نقضي بيها كام يوم ، و بس.. مفيش ملكية حقيقية في الدنيا ، مجرد ملكية وهمية .. زي غرفة الفندق تبقي بتاعتك يومين الإيجار ، و بعدين ترجع لأصحابها، أو كرسي الطيارة أو القطار أو التاكسي، يبقي بتاعك كام ساعة لغاية لما الرحلة تخلص و يجي اللي بعدك ياخده !! لو فهمت كده ح تعمل حاجات كتير حلوة .. ح تنبسط باللي عندك و تعمل بيه أكتر حاجات حلوة تفرح بيها مع كل حبايبك .. حَوِش ..صح ..بحكمة طبعاً لكن اوعي تقرطها على نفسك و على غيرك .. كمان ح تب...

 ازاي تعمل مغامرة في أضيق واعمق سراديب فرعونية ب ٧٠ ج بس  اولا هتركب المترو من أي حته وتنزل المنيب التذكرة من ٣-١٠ج حسب المسافة  هتركب من المنيب دهشور ب ٧-١٠ج  هتاخد توكتوك لحد منطقة آثار دهشور ب ٥ ج  هنقطع تذكرة دخول ب ١٠ ج  اعمل حسابك انك داخل منطقة مفتوحة زي المحمية الطبيعية ياعني هتمشي كتير فخد معاك ( مية كتير + اكل قليل + طاقية + كوتشي مريح في للمشي) وفي حمامات هناك نضيفة ما تقلقش  هناك الطريق ممهد ياعني مش هتوه في الصحراء هتمشي مع الطريق وممكن تشاور لأي عربية داخلة وتركب معاهم عادي جدا  اول حاجة هتقابلها هي الهرم الاحمر ومش محتاجة فكاكة اسمه أحمر علشان لون حجارته حمرا  الهرم ده اول هرم في التاريخ معمول بشكل هرمي سليم مش زي هرم ميدوم اللي عبارة عن مصاطب فوق بعضها  و ده يعتبر تالت أعلى هرم في مصر بعد خوفو وخفرع  هتطلع على سلم صناعي لحد فتحة دخول السرداب اللي بتدخلك جوه الهرم السرداب ارتفاعه ٦٠ سم و عمقه ٨٠ متر والنزول ليه مش على سلالم بتنزل على لوح خشب و انت مقرفص فلازم تاخد بالك على راسك وتنزل على مهلك علشان ماتتعورش لما بتخلص ...

 التخييم فى المحميات الطبيعيه في مصر المحميه الاشهر والاجمل والاسهل هى محمية راس محمد بجنوب سيناء هى اول محميه طببعيه اعلنت في مصر ( 1983 ) الوصول اليها سهل جدا ، ومزاراتها كلها ممكن تتعملها بعرببتك ، ومش هاتحتاج دفع رباعى مدخل المحميه عند كمين شرم الشيخ ، بعده بعشرات الامتار هاتلاقي بوابه التذاكر معنى اسم ( راس محمد ) ايه ؟ الاسم بينقسم الي جزئين ( الراس ) وهو جزء من الارض داخل في البحر زى راس البر وراس التين وغيرهم ( محمد ) علشان التراث المحلي للسكان هناك بيؤكد ان فيه جماعه من صحابة سيدنا محمد نزلوا في المكان ده  والاسم القديم لاهل سيناء هو ( راس اصحاب محمد ) اهم مزارات المحميه - بوابه المحميه ودى مبنى معماري مميز لازم كل الزائرين ياخدوا صوره تذكاريه عنده - قناة المانجروف ، ودى قناة طولها حوالي كيلومتر وربع ، موجود فيها حوالي 82 شجره من نبات المانجروف العجيب ، اللي عمل تطور في الورق والجذر علشان يقدر يعيش في المياه المالحه ( الورق بيفلتر الملح من المياه ، والنبات ليه جذور تنفسيه بياخد من خلالها الاوكسجين من الهواء ) ، نبات المانجروف ده مهم جدا للحفاظ علي الشواطئ من التٱكل ، ...

 ازاى تسافر  إيطاليا 🇮🇹 بي 6000  جنيه 😱 بس لمده 10 ايام 😍  شاملين الطيران  ✈️والاقامه  🏚والاكل  🥘🥰  ولو حبب توفر ممكن تكلفك4000 جنيه بس   😍🥰 يعنى ارخص من سفريه الساحل 😂  ايه ياعم الكلام  الى بتقوله ده معقول 😂 هو فى  الاسعار ديه دلوقتى 😂 انت بتشتغلنا صح 😂 لا والله زى ما بقولك  كده 😂 وكله بالمستندات ياريس 😂 خليك معايا واحده واحده بص ياذيدى 👀 الرحله هتبدا من يوم 24/4/2021 وتنتهى 4/5 /2021 يعنى هتعقد اكتر من 10 ايام هيص نفسك على قد ماتقدر 😂 الطيران بيطلع من مطار برج العرب  من الاسكندريه وبتوصل ميلانو  على خطوط ويز اير  ✈️ وانت راجع نفس الكلام ✈️  وتكلفته 1120 جنيه مصرى ذهاب 🛫 وعوده 🛬  والاقامه 🏚لمده 10 ابام هناك هتحجزه من على موقع airbnb  اليوم ب 12$ وبالضرايب وبسلطاتهم وبابا غنوجهم هيتكلف 128 دولار فى 10 ايام يعنى 2000 جنيه مصرى تقريبا 😍 كده الحسبه بقت  3120 جنيه مصرى  نيجى بقى للاكل كل واحد بقى على حسب مزاج كرش  ساعته 😂 بس الاكل فى ايطاليا 🇮🇹 رخيص مش غ...

 بتجيبو فلوس السفر منين؟ انتو أغنياء بقي عشان تسافرو كل ده؟ السوال ده اتكرر كتير علي فترات كتير عشان كده خليني اقولك ازاي تقدر تسافر كتير وبتكلفه اقل بكتير سافر كذا بلد جنب بعض زي “سيريلانكا - ماليزيا - اندونسيا - فيتنام - تايلاندا - لاوس - كامبوديا - الفلبين “ او مثلا “ تركيا - جورجيا “ او كذا دوله في اوروبا لو رايح بلد شنجن، معظم الطيران للبلاد دي هتلاقيه من ١٥ يورو لغايه ٢٠ يورو يعني مش غالي غير لما تسافر من بلدك لبلد من دول علي طول هتلاقي التزكره مش اقل من ٣٥٠ يورو دور في كذا مكان مش علي موقع واحد بس ودور علي كذا بلد يعني ممكن حضرتك تلاقي تيكت من مصر لليونان ترانزيت تركيا ب ٢٠٠٠ جنيه وفي نفس الوقت تيكت تركيا مباشر ب ٣ الاف حنيه تقوم وقتها حاجز اول واحده وتنزل تركيا بس لازم شنطتك تكون معاك ومش مشحونه وكمان لازم يكون معاك فيزا البلد التانيه اللي هي اليونان احجز قبل الرحله ب ٣ اشهر علي الاقل لان هتلاقي الاسعار ارخص كل ما الفتره زادت ودايما جرب استخدم VPN لدول زي الهند او سيديلانكا عشان اوفات بتكون اسعارهم ارخص اشتري تذكرتك قسط، حاليا مع العروض الكتير هتلاقي مواقع طيران بتقدم تقسيط...

 ازاي بتسافري لوحدك؟ ، بتجيبي فلوس السفر منين ؟ ازاي بتنبسطي بالسفر لوحدك ؟ بتعملي ايه في مشكله اللغة ؟ وغيرها اسئلة كتير ناس بتسألها في موضوع السفر خاصة لو بنت ، خليني اجاوب على اهم الاسئلة دي  - بتجيبي فلوس السفر منين ؟ - كل سنة بعمل خطه سفر للسنة كها بحدد ايه الاماكن اللي هسافر لها وبحسب التكلفة وافضل اشتغل واحوش اواعمل جمعيات عشان اجيب تكاليف السفرية  - ازاي بتاخدي اجازات كتير من شغلك ؟ - مباخدش اجازات كتير ولا حاجة هي بتبقى سفرية طويلة في السنة اسبوع عشر ايام مثلا بسافرها وقت لما بيكون في اجازة طويلة اجازة عيد مثلا وازود عليها يومين تلاته من رصيد اجازاتي مع الويك اند ، او بسافر ويك اند مع يوم الاحد مثلا تلات ايام كل كام شهر في مدينة داخل مصر عشان افصل من كل حاجة بسافر الخميس بالليل وارجع فجر الاتنين على الشغل على طول :D - بتعملي ايه في الفيزا؟ - كل بلد بيكون ليها اجراءات خاصه بيها يعني في دول مش بتحتاج فيزا زي ماليزيا، اندونسيا وغيرها، في دول تانية بتحتاج شوية اجراءات زي الشنجن مثلا ودي بتقدر تسافر بيها عدد دول بنفس الفيزا ودي بتحتاج شوية حاجات زي اخر تلات شهور من حس...